Jami’ar Jihar Taraba Ta Rage Kudin Makaranta Da Kashi 50 Bisa Dari

Hukumar gudanarwar jami’ar jihar Taraba ta sanar da rage kudin Makaranta da kashi hamsin bisa dari.

Wannan bayanin na kunshe cikin wata takardar sanarwar manema labarai da magatakardar jami’ar, Mista Joseph Bibinu, ya rattabawa hannu, ya ce, rage kudin karatun ya biyo bayan ziyarar gani da ido da gwamnan jihar, Dakta Kefas Agbu, ya kai makarantar.

• ‘Yan Bindiga Sun Kashe Mutam 8 A Kofar Shiga Barikin Sojoji Da Ke Taraba
• An Rufe Makarantar Kimiyya A Taraba Sakamakon Taɓarɓarwar Gine-gine

Ta ci gaba da cewa “daga yanzu hukumar Makarantar ta rage kudin Makaranta ga dalibai da kashi 50 bisa dari” Cewar sanarwar.

Dama dai dalibai a jami’ar kan biya naira dubu 75000 zuwa 80, 000, masu karatun digiri na biyu kuwa kan biya naira dubu 150.