An rufe bikin baje kolin CIIE karo na 7 a yau Lahadi. Kuma bisa alkaluman da aka fitar, a yayin baje kolin na CIIE na wannan karo, jimillar darajar kwangilolin da aka daddale ta kai dalar Amurka biliyan 80.01, adadin da ya karu da kashi 2 cikin dari bisa na karon da ya gabata.
Bugu da kari, jimillar mutane da suka shiga baje kolin na CIIE na bana ya kai dubu 852, yayin da baje kolin na kasa da kasa ya hallara kasashe da kungiyoyin kasa da kasa 77 daga sassa daban daban na duniya, adadin ya zarce na karon da ya gabata.
A yayin baje kolin CIIE na wannan karo, adadin masu baje koli daga manyan kamfanoni da masana’antu 500 mafiya girma a duniya, ya kai 297, adadin ya kafa sabon tarihi a wannan fanni. (Safiyah Ma)
