Wani jirgin ruwa dauke da dubban tumaki ya dulmiye a tekun Sudan a kan hanyar sa ta zuwa kasar Saudiya, amma matuka jirgin sun tsira da rayukansu, kamar yadda hukumomi su ka bayyana.
Rahotanni sun bayyana cewa jirgin ya nitse ne a yankin Suakin na tekun Sudan a kan hanyarsa ta zuwa Saudiya.
“Jirgin, mai suna Badr 1 ya nitse ne a awannin farko-farko na ranar Lahadi,” in ji wani jami’in tashar kaya ta Ruwa na Sudan, wanda ya nemi a sakaye sunansa.
“Jirgin ya dauko tumaki 15,800 sama da iya nauyin kaya da ya saba dauka,” in ji jami’in.
