Jirgin Ruwa Na Farko Da Sin Ta Kera Ya Fara Balaguro Na Gwaji

A yau ne, babban jirgin ruwa na kasar Sin mai suna “Adora Magic City” ya bar tashar jiragen ruwa dake birnin Shanghai domin fara balaguro na gwaji.

Kamfanin kera jiragen ruwa na kasar Sin (CSSC) ya bayyana cewa, tun bayan da jirgin ya yi nasarar barin tashar ruwa a ranar 6 ga watan Yuni, jirgin ya kammala gwaje-gwaje da dama, ciki har da gwaje-gwajen gaggawa.

Jirgin ruwan, mai nauyin tan 135,500, zai iya daukar fasinjoji sama da dubu 6 da 500. Haka kuma, akwai otel din alfarma, da gidajen sinima da wurin shakatawa na ruwa a cikinsa. (Mai fassara: Ibrahim)