A safiyar ranar juma’ar nan gamaiyyar jami’an tsaro da suka hada da soji da ta ‘yansandan kwantar da tarzoma na ‘Operation MESA’ suka dakile yinkurin wasu matasa na tayar da rikici kan karancin sabbin takardun kudi a jihar Legas.
Masu zanga-zangar sun afkawa ababen hawa a kan hanyar Mile 12- Mile Ojot, inda daga isar jami’an suka fara yin harbin gargadi akan masu zanga-zangar, inda wasu suka samu raunuka a yayin gudun tsira da rayukansu.
- Zanga-Zangar Sauyin Kudi Ta Yi Sanadin Asarar Dukiyoyin Jama’a Da Dama A Jihar Ribas
- Sauyin Kudi: Gwamnatin Neja Ta Maka Gwamnatin Tarayya A Kotu Kan Chanjin Kudi
Masu zanga-zangar sun tare hanyar tare da kunna wa tayoyi wuta da kuma farfasa wasu ababen hawa.
Kakakin rundunar ”yansandan jihar, SP Benjamin Hundeyin, ya tabbatar da afkuwar lamarin, inda ya ce, tuni jami’an sun kwantar da tarzomar.
