Karuwar Darajar Sana’ar Samar Da Kayan Laturoni Da Dangoginsu a Sin Cikin Watanni 4 Na Farkon Bana Ya Karu Da 11.3% 

Ma’aikatar masana’antu da sadarwa ta kasar Sin, ta fitar da wasu alkaluma a kwanan baya, wadanda suka nuna cewa, daga watan Janairu zuwa na Afirilun bana, sana’ar samar da kayayyakin laturoni, da na’urorin kamfuta, da sadarwa da sauran bangarori masu nasaba, ya samu karuwa mai dorewa, inda yawan darajar sashen ta rika karuwa.

Alkaluman sun nuna cewa, a tsakanin wannan wa’adi, yawan darajar kamfanonin bangarorin, da suka iya samun ribar da ta zarce dalar Amurka miliyan 2.7 a kowace shekara, ya karu da kashi 11.3 cikin kashi 100 kan na makamancin lokaci na bara. Yawan na’urori na kananan kwamfutoci daga cikin muhimman kayayyakin da suka samar, ya kai miliyan 105, adadin da ya karu da kashi 4.7 cikin kashi 100 bisa na makamancin lokaci na bara.

Dadin dadawa, a watanni 4 na farkon shekarar bana, yawan ribar da wadannan kamfanoni suka samu ya zarce dalar Amurka biliyan 712, adadin da ya karu da kashi 10.1 cikin kashi 100 kan na makamancin lokaci na bara. (Amina Xu)