Katafaren Jirgin Ruwa Ya Kife Da Mutane A Kogin Ibi Da Ke Jihar Taraba

Akalla mutane uku ne aka tabbatar sun bace yayin da aka kubutar da wasu a lokacin da wani jirgin Ruwa ya kife a kogin Benue da ke karamar hukumar Ibi ta jihar Taraba.

Hon. Bala Bako, shugaban kwamitin riko na karamar hukumar ne ya tabbatar da afkuwar lamarin a ranar Talata yayin wata tattaunawa ta wayar tarho.

• Hatsarin Jirgin Ruwa: Fasinjoji 15 Sun Mutu

A cewarsa, jirgin da ya kife na dauke da fasinjoji daga Ibi zuwa kasuwar Sarkin Kudu lokacin da lamarin ya faru.

“Al’amarin ya faru ne a lokacin da jirgin ya tashi daga gabar Kogin. Injin jirgin ya tsaya da aiki, ana kokarin sake kunna injin jirgin, sai ya ci karo da wani gini da ke gabar kogin, hakan tasa jirgin ya rarrabe.” Inji Hon. Bala Bako