Kenya Za Ta Fara Hada Motocin Bas-bas Masu Amfani Da Wutar Lantarki 130 Na Kasar Sin A Shekarar 2023

Kamfanin kera motoci na kasar Kenya (AVA), ya fada jiya Talata cewa, zai fara hada motocin bas-bas masu amfani da wutar lantarki guda 130 da kamfanin kera motoci na kasar Sin BYD ya kera a shekarar 2023 da muke ciki.

Babban darektan kamfanin Matt Lloyd, ya shaidawa kamfanin dillancin labarai na Xinhua a Nairobi, babban birnin kasar Kenya cewa, ya zuwa yanzu, sun hada motocin bas-bas masu amfani da wutar lantarki guda 15 na BYD ga kasuwannin cikin gida da aka shigo da su a matsayin wurin da za a rika samun kayan gyaran motocin.

Lloyd ya bayyana a gefen taron dandalin motoci masu amfani da wutar lantarki cewa, fa’idar kamfanin BYD ita ce, yana daya daga cikin wadanda ke kan gaba a duniya wajen kera motoci masu amfani da wutar lantarki, kuma matakin ingancin motocin yana da yawa.

Lloyd ya lura cewa, motocin bas-bas na BYD da aka hada a cikin gida, suna da madaidaitan matakan tsaro don haka, za su inganta tsaron hanyoyin Kenya baki daya. Ya bayyana cewa, kamfaninsa ya samu fasahar kera motoci na zamani, ta hanyar shawarwarin fasaha da ya samu daga BYD. (Ibrahim Yaya)