Wata Kotun Majistare da ke Jihar Kano, ta bayar da umarnin tsare wani mai kemis a gidan gyaran hali bisa zargin yi wa wata yarinya ‘yar shekara tara fyade.
Lauyar jiha, Barista Zainab Aliko, ta shaida wa kotun cewa, ana tuhumar mai kemis din, Manniru Ibrahim Fanisau, da yi wa marigayiyar Rumaisa Sadiq, fyade a lokacin da aka kawo ta don maganin zazzabin cizon sauro wanda a dalilin haka yarinyar ta rasu.
- Zulum Ya Raba Wa Magidanta 10,000 Kayan Abinci A Mafa
- Mutane 12 Sun Rasu Sakamakon Shan Miyar Ganyen Lalo A Zamfara
Wanda ake tuhumar ya ki amsa laifuka biyun da ake tuhumarsa da su na fyade da kisan kai wanda sun saɓa wa sashe na 283 da 221 na dokar Penal Code.
Alkalin kotun Hajara Safiyyu Garba, ta bayar da umarnin ci gaba da tsare wanda ake kara a gidan gyaran hali sannan ta ɗage sauraron ƙarar zuwa ranar 30 ga Satumba, 2024.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
