Kotu Ta Kama, Okupe, Daraktan Yakin Neman Zaben Peter Obi Da Laifin Karkatar Da Kudade

Kotu Ta Kama, Doyin Okupe, Daraktan Yakin Neman Zaben Peter Obi Da Laifin Karkatar Da Kudade.

Wata Babbar Kotun Tarayya da ke Abuja ta samu, Doyin Okupe, Darakta-Janar na yakin neman zaben Shugaban Kasa na Peter Obi, da laifin karkatar da kudade.

• Peter Obi Na LP Ya Zaɓi Doyin Okupe Daga Ogun A Matsayin Mataimakinsa Na Wucin-gadi
• LP, Ta Kori Daraktan Yakin Neman Zaben Obi, Okupe Da Wasu 11 Kan Gaza Biyan Harajin Jam’iyyar

Hukumar da ke yaki da masu yi wa tattalin arzikin kasa zagon kasa (EFCC) ta gurfanar da Okupe a shekarar 2019 a kan tuhume-tuhume 59 da suka hada da karkatar da kudade kimanin Naira miliyan 702.

An dai gurfanar da shi a gaban mai shari’a Ijeoma Ojukwu tare da kamfanoni biyu – Value Trust Investment Ltd da Abrahams Telecoms Ltd.

Akwai yuyuwar zuwa da karin bayanai kan wannan labarin.