Wata babbar kotun tarayya da ke zamanta a Jihar Sokoto, ta yi watsi da karar da tsohon gwamnan jihar Zamfara, Bello Matawalle ya shigar kan mallakar wasu motoci kusan 50 da gwamnatin jihar ta ce mallakinta ne.
Idan ba a manta ba a watan Yuni ne rundunar ‘yansandan jihar Zamfara ta kai samame gidajen tsohon Gwamna Matawalle inda suka kwashe wasu daga cikin motocin a lokacin da yake barin kujerar gwamnan jihar a ranar 29 ga watan Mayun 2023.
- Gwamnatin Birtaniya Na Damuwa Kan Yadda Ake Neman A Mayar Da Kayayyakin Tarihi Da Ta Mallaka
- Abin Da Ya Haddasa Gobara A Gidan Rediyo Nijeriya Kaduna – ‘Yan Kwana-kwana
Wata sanarwa da mai magana da yawun gwamnan jihar Zamfara, Sulaiman Bala Idris, ya fitar a ranar Litinin, ta ce, reshen babbar kotun tarayya da ke Sokoto ta yi watsi da ikirarin da Matawalle ya yi na mallakar motocin gidan gwamnati.
A cewar sanarwar, tsohon gwamnan da mukarrabansa sun kwashe dukkanin motocin gwamnatin jihar. Ba su bar wa Gwamnati mai ci komai ba.
