A yau ranar 3 ga wannan wata da karfe 4 da minti 12 da yamma, kumbo dakon ‘yan sama jannati samfurin Shenzhou-18 ya rabu da turkensa na tashar binciken sararin samaniya cikin nasara.
Bisa bayanin da ofishin kula da harkokin sama jannati na kasar Sin ya yi, kafin kumbon Shenzhou-18 ya rabu da tashar, ‘yan sama jannatin kumbon Shenzhou-18 sun yi hadin gwiwa tare da ma’aikatan dake doron duniya, da kammala ayyukan daidaita tsarin tashar, da abubuwan binciken da sauransu, da mika aiki ga ‘yan sama jannatin kumbon Shenzhou-19.
Daga bisani kumbon Shenzhou-18 zai dawo doron duniyar bayan ya samu umurni, kuma ‘yan sama jannatin kumbon wato Ye Guangfu, da Li Cong, da Li Guangsu za su dawo gida. (Zainab Zhang)
