Kungiyoyin Magoya Bayan Kano Pillars Da Katsina United Sunyi Taro A Kano Domin Sulhunta Tsakanin Su

Kungiyar magoya bayan Kano Pillara da kuma na Katsina United sun shirya wani taro a Kano domin lalubo hanyoyin gujewa Fada a tsakaninsu.

Tawagar shugabannin kungiyar magoya bayan kungiyar kwallon kafa ta Katsina United Fc biyar sun yi tattaki zuwa Kano.

• Akwai Babban Aiki A Gabanmu – Kyaftin Din Liverpool Van Dijk

Domin ganawa da jami’an kungiyar magoya bayan kungiyar ta Kano Pillars domin karfafa alakarsu da kuma hadin kai

Tawagar ta samu jagorancin shugaba Abubakar Lawal Shaho, wanda ya samu rakiyar mataimakinsa Muttaka Chudi, SEC Hamisu Maikano, PRO 1 Nuhu Mamuda, PRO 2 Ahmed Bodi, da Abbah Ali

Shuwagabannin kungiyoyin magoya bayan kungiyoyin biyu sun yi alkawarin fadakar da mambobinsu kan duk wani tashin hankali da ka iya faruwa a lokacin wasa da kuma bayan wasannin kungiyoyin biyu domin duk sun koma NPFL bayan sun shafe tsawon kakar wasar bana a kofin yan dagaji na NNL

Shugabanni biyu na kungiyar magoya bayan kungiyar sun bayyana fatan cewa sabon shugaban kungiyar kwallon kafa ta Katsina United Fc Surajo Baba Malumfashi da takwaransa na Kano Pillars Babangida Little

Za su kawo dauki na tsawon lokaci kan duk matsalolin da suka addabi manyan kungiyoyin kwallon kafa na yankin Arewa maso Yamma a lokacin wasanninsu a Kano da Katsina