Kungiyar kwallon kafa ta Manchester City ta kammala siyan dan wasan gaba, Rayan Cherki daga Lyon kan zunzurutun kudi har fam miliyan 30, inda Cherki ya sanya hannu kan kwantiragin shekaru biyar a Etihad, dan wasan mai shekaru 21, zai iya buga wa City wasa a gasar cin kofin duniya da za a fara a Amurka ranar 14 ga watan Yuni.
Cherki ya buga kusan wasanni 200 a Lyon kuma ya ci kwallo daya a wasanni biyu da ya wakilci kasar Faransa, “Wannan mafarki ne a gare ni zuwa babbar kungiya kamar Manchester City, wannan babban mataki ne a rayuwata, in ji Cherki.
- Gwamnatin Tarayya Ta Soke Faretin Ranar DimokuraÉ—iyya, Tinubu Zai Yi Wa ‘Yan Ƙasa JawabiÂ
- Gwamna Zulum Ya Bayar Da Tallafin Miliyan 300 Ga Wadanda Ambaliyar Ruwa Ta Shafa A Mokwa
Cherki, shi ne dan wasa na uku da City ta saya a cikin kwanaki biyu, inda Pep Guardiola ya dauko dan wasan baya na kasar Algeria Rayan Ait-Nouri daga Wolves kan fan miliyan 31 ranar Litinin, sai mai tsaron gida Marcus Bettinelli daga Chelsea a ranar Talata.
Cherki ya buga wasansa na farko a Lyon yana da shekara 16 a watan Oktoban 2019 kuma ya bar kungiyar inda ya ci kwallaye 29 sannan ya taimaka aka jefa 45 a wasanni 185 da ya bugawa kungiyar ta Faransa. Cherki ya wakilci kasar Faransa kuma ya lashe lambar azurfa a gasar Olympics da aka gudanar a birnin Paris na kasar Faransa a bara.
Daraktan kwallon kafa na Manchester City, Hugo Viana ya ce, “Babu shakka a yanzu Cherki yazo inda ya dace kuma zai cigaba a karkashin jagorancin Guardiola, kuma na yi imani zai iya zama babban dan wasa a duniya tare da goyon bayan abokan wasa da masu horarwa”.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
