Wani rahoto da aka fitar yau Juma’a ya ce jimilar kudin shigar da masana’antar shirya fina-finan kagaggun labaran kimiyya da fasaha ta samu a shekarar 2024, ta kai yuan biliyan 108.96 kwatankwacin dala biliyan 15.
Cibiyar bincike kan kagaggun labaran kimiyya da fasaha ta kasar Sin ce ta fitar da rahoton, inda ta ce an ga sabbabin abubuwa a adabin, da kuma bangarori masu jigon yawon bude ido da na ayyukan da aka kwafa daga wasu ayyuka na daban.
Rahoton ya shafi manyan bangarori 5 na masana’antar da suka hada da adabi, da fina-finai da shirye-shiryen talabijin masu dogon zango, da wasannin bidiyo, da ayyukan da aka kwafa da masu jigon yawon bude ido, wadanda suka nuna ci gaban da aka samu a shekarar da kuma alkiblar makomar masana’antar. (Mai fassara: Fa’iza Mustapha)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
