Mujallar “Qiushi” da aka buga a yau Lahadi, ta gabatar da muhimmin sharhi na sakatare janar na kwamitin tsakiya na jam’iyyar Kwaminis ta kasar Sin Xi Jinping mai taken “Inganta tsarin daukar kwararan matakai wajen tafiyar da jam’iyya a dukkan fannoni”.
A cikin sharhin an nuna cewa, har yanzu ana fuskantar matsanancin yanayi da sarkakiya wajen yaki da cin hanci da rashawa, kuma jam’iyyar Kwaminis ta kasar Sin za ta dade tana fuskantar wannan jarrabawar. Saboda haka, dole ne dukkan mambobin jam’iyyar a ko da yaushe su sa lura da nuna karfin zuci, da daukar kwararan matakai wajen tafiyar da harkokin jam’iyyar na dukkan fannoni, ta yadda za a iya raya jam’iyyar yadda ake bukata. Ban da haka, ya kamata mambobin ofishin siyasa na kwamitin tsakiya na jam’iyyar Kwaminis ta kasar Sin su ba da misali, da hada kai tare da sauran ’yan jam’iyyar don kula da harkokin jam’iyyar da kyau, ta yadda za a ba da tabbaci ga gina kasa mai karfi da farfado da al’umma ta hanyar zamanintarwa irin ta kasar Sin. (Mai fassara Bilkisu Xin)
