Rahotanni sun ce mutane biyu sun kone kurmus yayin da wasu uku suka samu raunuka sakamakon fashewar wata tankar mai dauke da man fetur a unguwar Ilo Awela, Sango Tollgate, kan hanyar Legas zuwa Abeokuta.
Akalla motoci 12 kuma an ce sun kone kurmus yayin fashewar da ta afku a safiyar Alhamis.
An tattaro cewa, tankar na kokarin hawa kan tudun Ilo Awela ne a lokacin da ta gangaru da baya ta tashi da wuta.
Kakakin hukumar kiyaye haddura ta kasa (FRSC) reshen jihar Ogun, Florence Okpe, ta tabbatar wa manema labarai faruwar lamarin a Abeokuta.
Ta bayyana cewa, abin da ake zargin ya haddasa hadarin shine, injin motar ne ya tsaya yayin da motar dakon man ke kokarin hawa tudun, sai motar ta dawo da baya kuma ta yi karo da wadanda ke binta, hakan ya sa man fetur din da ta dauko ya fara zuba, daga bisani kuma, sai wuta ta tashi.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
