Akalla mutum dubu 29, 843 ne suka cike takardar neman shiga aikin jami’an tsaron ‘yansandan da aka sanar za a dauka a Jihar Adamawa.
Kakakin rundunar ‘yansandan jihar, SP Suleiman Yahaya Nguroje, ya shaida haka ga manema labarai ranar Juma’a a Yola.
- Saraki Ya Taya Gwamnonin Da Suka Yi Nasara A Kotun Koli Murna
- Kotun Koli Ta Tabbatar Da Zaben Alex Otti A Matsayin Gwamnan Abia
Ya ci gaba da cewa “Masu neman shiga aikin dan sanda mutum 29, 843 ne, suka cike takardar neman aikin, da ake aikin tantance su a halin yanzu.
ADVERTISEMENT
“An tantance mutum dubu hudu, daga cikin su, za a kammala aikin tantancewar ranar 29 ga wagan Janairu, 2024” in ji Nguroji.
To sai dai rundunar ba ta sanar da adadin mutanen da za ta dauka a matsayin sabbin jami’an ‘yansanda a jihar ba.
