Na Rufe Iyakoki Ne Don Karfafa Guiwar ‘Yan Nijeriya – Buhari

Shugaban kasa Muhammadu Buhari ya ce, da gangan ya rufe iyakokin kasar nan domin karfafa guiwar ‘yan Nijeriya su iya samar da abincin da za su ci.

Ya ce duk da cewa an soki matakin da farko, amma daga karshe ‘yan Njeriya sun yaba da matakin.

• Ban Taba Cewa Jami’in Tsaro Na Cin Zarafin Mutanen Da ‘Yan Bindiga Suka Sace Ba -Sultan

Buhari ya bayyana hakan ne a ranar Talata a lokacin da yake kaddamar da sabuwar hedikwatar kwastam da aka ce an kashe kusan Naira biliyan 19.6 wajen ginata.

Ginin yana cikin gundumar Maitama da ke babban birnin tarayya (FCT).

Buhari ya ce ya nada Hameed Ali a matsayin kwanturola-janar na Hukumar Kwastam ta Nijeriya (NCS) ne sabida kwazonsa da kwarewarsa.