NAF Ta Kashe ‘Yan Ta’adda Fiye Da 70 A Borno

Rundunar sojin sama ta ‘Operation Hadin Kai’, ta kashe ‘yan ta’adda fiye da 70 a wani harin da ta kai ta sama a ranar 6 ga watan Nuwamba a tsibirin Kwallaram da Arainna a Borno.

Hakan na kunshe ne a cikin wata sanarwa da Daraktan yada labarai na rundunar, Maj.-Gen. Edward Buba, ya fitar a ranar Asabar a Abuja.

• Tinubu Ya Isa Kasar Saudiyya Domin Taron Hadin Kan Kasashen Larabawa Da Musulunci
• Neymar Zai Yi Jinyar Mako Biyu Bayan Ya Sake Samun Rauni

Buba ya ce yayin da aka kawar da ‘yan ta’adda fiye da 70 a Kwallaram, an kuma kashe wasu da dama a Arainna.

Ya ce sojojin sun zafafa kai hare-hare kan ‘yan ta’adda da masu tayar da kayar baya a fadin kasar nan, inda suka fatattake su daga maboyar su, tare da kashe da dama daga cikin hare-haren da suka kai ta sama da kasa.