Mataimakin shugaban kasa, Kashim Shettima, a ranar Talata, yayin da yake tsokaci kan tabarbarewar darajar Naira, ya bayyana cewa “mafi mawuyacin halin da aka shiga ya kare” ga matsalar kudin Nijeriya.
Da yake jawabi a wajen kaddamar da gasar zane da kirkire-kirkire ta kasa a Abuja, Shettima, a wata sanarwa da mai magana da yawunsa Stanley Nkwocha ya fitar, ya bayyana kwarin gwiwar cewa, Naira za ta ci gaba da farfadowa a cikin makonni da watanni masu zuwa.
Da yake jawabi a kan matsalolin tattalin arziki, mataimakin shugaban kasar ya bayyana cewa, “mafi mawuyacin halin da aka shiga ya kare”, inda ya kara da cewa, Naira za ta ci gaba da farfadowa a cikin makonni da watanni masu zuwa, yayin da gwamnatin Shugaba Bola Tinubu ke magance matsalolin da suka shafi karancin abinci da rashin tsaro.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp