Hukumar zabe ta kasa INEC ta Bayyana sunan Malam Umar Namadi na Jam’iyyar APC a Matsayin Wadda ya Lashe zaben gwamna na 2023 da aka gudanar ranar Asabar a jihar Jigawa.
Da yake sanarda sakamakon zaben, Baturen Zaben a jihar ta Jigawa, Farfessa Muhammad Zayyanu Umar ya ce Alhaji Umar Namadi yayi nasara akan abokan hamayyarsa da Kuru’u dubu 618,449 a yayin Zaben.
Haka kuma ya bayyana jimillar kuru’un milyan 2,351,298 a Matsayin yawan kuru’un da akayi rijiata a Jigawa yadda kuma aka tantance jimillar kuru’u milyan 1,073,540 a zaban.
Sannan ya ce cikin wadannan Kuru’u Alhaji Umar Namadi na Jam’iyyar APC ya sami Kuru’u dubu 618,449 sai kuma wadda yake mara masa baya Alhaji Mustapha Sule Lamido na Jam’iyyar PDP wadda ya sami Kuru’u dubu 368,726 da kuma Malam Aminu Ibrahim Ringim na jam’iyyar NNPP wadda ke mara musu baya da Kuru’u dubu 37,156.
Farfessan ya kuma bayyana jimillar kuru’u milyan 1,032,567 a Matsayin wadanda basu lalace ba, da Kuma jimillar kuru’u dubu 20,226 a Matsayin wadanda suka lalace.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
