Dan takarar shugaban kasa a inuwar Jam’iyyar APC mai mulki, Asiwaju Bola Ahmed ya shelanta cewa, da kansa zai zabo mataimakin sa.
Tinubu ya bayyana hakan ne a hirarsa da manema Labarai bayan kammala wata ganawa da shugaba Muhammadu Buhari a fadar shugaban kasa da ke Abuja, inda kuma ya yaba wa shugaban kasa Buhari wajen bayar da dama domin a zabo dankarar shugaban kasa a inuwar jam’iyyarsa, APC mai mulki.
Da manema Iabarai na fadar shugaban kasa suka tambayi Asiwaju kan cewa, ko wacce irin hanya zai bi don tallata kansa a zaben 2023, sai ya amsa da cewa “Ina da hazaka da kware wa da na samu daga fannonin aikin gwamnati da na masu zaman kansu kuma ina son in dora a kan kyawawan ayyukan cigaba da Buhari ya faro.”
