Nijeriya Ce Ta 3 A Manyan Kasashe Masu Karfin Masana’antu 10 Na Afirka

Nijeriya ta kasance a matsayi na uku a cikin kasashe goma da ke kan gaba a manyan masu karfin masana’antu a Afirka, a cewar wani rahoto da jaridar ‘The African Exponent’, wata dandamali ta nazari kan harkokin kasuwanci ga ‘yan kasuwa da masu son zuba jari a Afirka.

A cewar rahoton, a tsawon shekara goma da suka gabata, wasu kasashe kalilan ne suka yi fice wajen karbar bakuncin manyan kamfanonin kera kayayyaki a Afirka, a ma’auni da yin tasiri.

• Yadda Badakalar Tallafin Man Fetur Ta Zame Wa Nijeriya Alakakai
• Yadda Badakalar Tallafin Man Fetur Ta Zame Wa Nijeriya Alakakai

Kasashen da suka yi zarra su 10 wajen harkar masana’antu sun hada da Afrika ta Kudu, Egypt ta biyu, sai Nijeriya ta uku; Morocco; Kenya; Algeria; Ethiopia; Ghana; Tunisia; da kuma kasar Zambia da ta zama ta goma.

Rahoton ya kara da cewa, “An yi hasashen bangaren masana’antu a Afirka zai samu karin darajar dala biliyan 77.66 da jimillar dala biliyan 284.70 nan da karshen shekarar 2025.”

Afirka ta Kudu ce ke kan gaba a jerin a matsayin kasa mafi ci gaban masana’antu a Afirka. Da suka shafi ci gaba, tushen masana’antu daban-daban, da hadin gwiwar duniya, musamman a cikin sassan kera motoci da sinadarai sun sanya ta zama babbar masana’antar ta Nahiyar a cikin 2025. Manyan sassan su ne Automotibe, Karfe, Chemicals, da sarrafa abinci.

Tsarin yanayin masana’antu na Masar yana bunkasa kan fitar da kayayyaki zuwa Turai da Gabas ta Tsakiya. Tare da kasancewa mai karfi a cikin sinadarai, siminti, da kantin magani, Masar ta sanya kanta a matsayin jagorar masana’antun nahiyar da ke goyan bayan gyare-gyaren masana’antu.

An san kasar da samar da siminti, yadudduka, magunguna, da sinadarin man fetur da sauransu.

Sai kuma kasar Nijeriya mai rike da kambu na uku wacce ta kasance mai samun habaka a bangaren kasuwanci da masana’antu. Kamfanonin Dangote, musamman matatarsa da kuma rukunin kamfanonin BUA sun taimaka wa kasar wajen jan ragamar a bangaren masana’antu.

Manyan masana’antun kasar nan sun hada da na siminti, kayayyakin mabukata, abinci da abin sha, da tace mai, wanda manyan masana’antun kamar Dangote Group, BUA Group, Nestlé Nigeria, da Unileber Nigeria ke gudanarwa.

Morocco kuwa babbar cibiyar masana’antu ce a Arewacin Afirka, tana jawo hannun jari kai tsaye daga ketare a manyan masana’antu kamar kera motoci da hada-hadar jiragen sama.