Qatar 2022: Za a Gwangwaje Kasashen Da Suka Buga Gasar Cin Kofin Duniya Dala Miliyan 440

Jimillar kudin tukuici da za a rabawa kasashen da suka halarci gasar cin kofin duniya ta 2022 a Qatar sun kai dala miliyan $440.

Akwai kasashe 32 a gasar – kasashe 13 daga Turai, biyar daga Afirka, hudu daga kasashen Arewacin Amurka, hudu daga kasashen Kudancin Amurka sai kuma kasashe shida daga Asiya.

• Qatar 2022: Benzema Zai Iya Komawa Faransa Don Buga Wasan Karshe

Kungiyoyin da suka fice daga gasar cin kofin a rukunin farko – Costa Rica, Serbia, Cameroon, Ghana, Uruguay, Denmark, Tunisia, Canada, Belgium, Jamus, Qatar, Ecuador, Wales, Iran, Mexico, da Saudi Arabia – kowannensu zai samu dala miliyan $9.

Kasashen da suka kai zagaye mai kasashe 16 – Spain, Japan, Switzerland, Koriya ta Kudu, Amurka, Senegal, Australia, da Poland – kowannensu zai samu dala miliyan $13.

Kasashen da suka fafata a zagaye na daf da na kusa da na karshe (Quarter final) – Brazil, Netherlands, Portugal, da Ingila – kowannensu zai samu dala miliyan $17.

Kasar Morocco wacce tazo ta hudu za ta samu dala miliyan $25

Wanda ya zo na biyu tsakanin Argentina da Faransa zai samu dala miliyan $30, yayin da wanda ya lashe kofin zai samu dala miliyan $42.