Ma’aikatar kula da harkokin masana’antu da sadarwa ta kasar Sin ta ba da alkaluma a yau Talata cewa, a bara, yawan matsakaitan masana’antu ya kai kashi 5.8%, wanda ya karu da kashi 1.2% bisa na makamancin lokacin na shekarar 2023, kana ma’aunin sashen masana’antun samar da kayayyaki na Sin ya nuna sashen ya ci gaba da zama kan gaba a duniya cikin shekaru 15 a jere.
A shekarar 2024, 39 daga cikin manyan nau’o’in masana’antun Sin 41 sun ci gaba da samun bunkasa ba tare da tangarda ba, inda aka daga matsayin karfin kirkire-kirkire na na’urorin zamani da na fasahar AI da dai sauran bangarori.
Baya ga haka, sauran sha’anoni masu tasowa ciki har da sabbin kayayyaki, da aikin kere-kere da halittu da sinadari, da mutum-mutumin inji da sauransu na karuwa cikin sauri.
Kazalika, a bara, sha’anin masana’antu da sadarwa ya taka rawar gani yayin da ya kai kashi 40% bisa dari na samar da bunkasar tattalin arzikin Sin, kana hakan ya sa ya zama wani babban karfi mai dorewa ga bunkasa tattalin arzikin Sin. (Amina Xu)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
