Shari’ar Fintiri da Binani: Yau Jama’ar Adamawa Za Su San Matsayinsu A Kotun Koli

A yau Laraba ne kotun kolin Nijeriya za ta yanke hukunci kan matsayin kujerar gwamnan jihar, tsakanin Rt Hon Ahmadu Umaru Fintiri, rantsatstsen gwamna da Sanata Aishatu Ahmad Binani, da ke kalubalantar kujerar.

Idan za’a tunawa, a ranar Litinin ne kotun koli ta jingine hukuncin bayan kammala gabatar da sauraren korafe-korafe daga lauyoyin Aishatu da Fintiri.

Binani, ‘yar takarar gwamna karkashin jam’iyyar APC a zaben 2023, ta shigar da kara tana mai kalubalantar ayyana Ahmadu Umaru Fintiri, da hukumar zabe ta kasa, INEC ta yi a matsayin zababben gwamnan jihar Adamawa.