Shugaban kasar Sin Xi Jinping, ya jadadda muhimmancin aiwatar da sauye sauye, da kafa sabbin ginshikai, da ingiza himma da kwazo, wajen zamanantar da harkar shari’a, da harkokin gabatar da kararraki, da fannin tsaron al’umma.
A baya bayan nan ne dai shugaba Xi, ya bayar da muhimmin umarni, game da ayyukan da suka shafi shari’a, da harkokin gabatar da kararraki, da fannin tsaron al’umma. A madadin kwamitin kolin JKS, shugaba Xi ya mika sakon gaisuwa, da godiya ga daukacin ‘yan sanda, gabanin ranar ‘yan sandan janhuriyar jama’ar kasar Sin, wadda za a yi bikin ta a jibi Talata 10 ga watan nan na Janairu. (Mai fassara: Saminu Alhassan)
