Shugaban jam’iyyar PDP a Jihar Zamafara, Ahmad Sani Kaura, ya rasu yau Laraba a garin Gusau, babban birnin jihar.
An ruwaito cewa, marigayi Kaura, ya rasu ne bayan ya yanke jiki ya fadi a yayin wani taro na rattaba hannun yarjeniyar zaman lafiya da cibiyar malamai ta Ulama, reshen jihar da ta shirya don a gudanar da zaben 2023 ba tare da aukuwar wani hargitsin zabe ba.
- PDP Ta Maka APC A Kotu, Ta Nemi A Kori Shugaban APC Na Kasa Daga Mukaminsa
- Tsohon Dan Wasan Kwallon Kafa Na Kano Pillars, Kofarmata, Ya Rasu
An ruwaito wani jigo a jam’iyyar PDP a Jihar Zamafara, Aminu Umar ya sanar cewa, marigayin ya kasance baya jin dadin jikinsa domin bai dade da warkewa daga jinya ba, amma ya halarci taron.
