Sin Na Maraba Da Kamfanonin Kasa Da Kasa Har Da Na Amurka 

Yau Laraba, mai magana da yawun ma’aikatar harkokin wajen kasar Sin Mao Ning, ta bayyana a gun taron manema labarai na yau da kullum cewa, ma’anar dangantakar tattalin arziki da cinikayya tsakanin Sin da Amurka, ita ce cimma moriyar juna da kuma samun nasara tare. Kuma ra’ayin ba da kariya ga cinikayya ba zai samar da mafita ba. Bangaren Sin yana maraba da kamfanoni daga dukkan kasashe, ciki har da kamfanonin Amurka, da su yi aiki da samun bunkasa a kasar Sin, da zurfafa hadin gwiwa.

Dangane da umarnin da gwamnatin Trump ta bayar ga ofishin jakadancin Amurka, da karamin ofishin jakadancin kasar na dakatar da sabuwar damar bayar da Biza ga daliban waje dake koyon ilmi a kasar kuwa, Mao Ning ta bayyana cewa, kasar Sin na fatan Amurka za ta kare hakki da muradun daliban sassan kasa da kasa, ciki har da daliban kasar Sin.

Bugu da kari, Mao Ning ta ce, domin kara saukaka mu’amalar al’ummun Sin da kasashen ketare, bangaren Sin na kira ga dukkan kasashe mambobin kungiyar GCC da su shigo Sin ba tare da Biza ba. (Safiyah Ma)