Da karfe 4 na asubahin yau Talata bisa agogon Beijing, kasar Sin ta yi nasarar harba wani tauraron dan adam mai suna Shijian-25, ta amfani da rokar Long March-3B.
An harba tauraron ne daga cibiyar harba kumbuna ta Xichang dake lardin Sichuan na kudu maso yammacin kasar Sin, ya kuma shiga falakinsa kamar yadda aka tsara.
- Cece-kuce Kan Badaƙalar Kuɗaɗe A NNPCL: SERAP Ta Bukaci Mele Kyari Ya Yi Bayani
- Gwamnan Kano Ya Nemi A Rage Kuɗin Hajjin 2025
A cewar cibiyar nazarin zirga-zirgar kumbuna ta Shanghai, wadda ita ce ta kera tauraron na Shijian-25, za a yi amfani da shi a aikin tantance tsarin sake zuba makamashi, da fasahohin tsawaita wa’adin aiki masu nasaba.
Wannan ne karon farko da kasar Sin ta harba tauraron dan adam a shekarar nan ta 2025, kana karo na 555 da kasar ke amfani da rokar Long March wajen harba taurarin dan adam. (Saminu Alhassan)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
