Sin Ta Kaddamar Da Shirin Gwaji Na Samun Lamunin Waje Ga Bangaren Makamashi Mai Tsafta

Kasar Sin ta kaddamar da wani shiri na gwaji na samun basussukan kasashen waje da za a sarrafa su a sashen makamashi mai tsafta, a wani yunkuri na kara jawo jarin duniya ga fannin ayyukan samar da ci gaba ba tare da gurbata muhalli ba na kasar.

A yau Alhamis, hukumar kula da musayar kudaden waje ta kasar Sin (SAFE) ta bayyana cewa, an yi tsarin shirin na gwaji ne a yankuna da birane 16 da suka hada da Shanghai, da Beijing, da Hebei da kuma Qingdao, kuma ana karfafa gwiwar kamfanonin da ba na hada-hadar kudi ba, su yi amfani da kudaden na kasashen waje wajen gudanar da ayyukan da suka shafi amfani da makamashi mara gurbata muhalli. (Mai fassara: Abdulrazaq Yahuza Jere)