Mai magana da yawun ma’aikatar harkokin wajen kasar Sin Wang Wenbin, ya ce Sin ta yi Allah wadai da harin da aka kaiwa ofishin jakadancin Iran dake kasar Syria, kuma ko kadan bai dace a keta hurumin tsaron cibiyoyin diflomasiyya ba.
Wang Wenbin, wanda ya bayyana hakan a Talatar nan, yayin taron manema labarai da ya gudana a birnin Beijing ya kara da cewa, wajibi ne a martaba ikon mulkin kai na Syria, da ‘yanci da tsaron yankunanta, kuma Sin na adawa da duk wani mataki da zai kai ga rura wutar zaman dar-dar a yankin Gabas ta Tsakiya. (Saminu Alhassan)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp