Rumbunan ajiyar hatsi na gwamnatin kasar Sin, na shirin saye da adana hatsin da zai kai tan miliyan 420 daga manoma da masu samar da hatsi na kasar, inda shekaru biyu ke nan a jere kasar ke ajiye yawan hatsin da ya haura tan miliyan 400.
Rahotanni daga taron kasa na karawa juna sani game da tsimin abinci, da dabarun tanadi da aka kammala a jiya Alhamis, na cewa kasar Sin ta karfafa tsari da dabarun tanadin hatsi, ta kuma aiwatar da matakai daban daban na samar wa manoma sauki wajen sayar da hatsin da suka girba.
- Xi Ya Aike Da Sakon Taya Murnar Bikin Kaddamar Da Aikin Layin Dogo Na Sin- Kyrgyzstan-Uzbekistan
- Ma’aikatar Kananan Hukumomi A Zamfara Ta Gabatar Da Bitar Kasafin Kudin Kananan HukumomiÂ
A cewar shugaban hukumar dake lura da abinci, da ayyukan tsimin hatsi ta kasar Sin Liu Huanxin, a halin yanzu ana gaggauta adana hatsi na lokacin kaka, inda aikin sayen masara ya kai matsayin koli a yankunan arewaci da arewa maso gabashin kasar Sin.
Liu ya kara da cewa, cikin shekara guda an fadada adadin hatsin da ake ajiya, da wuraren ajiyarsa, ta yadda za su biya bukatun da aka sanya gaba na tsimin hatsi.
Ya ce ya zuwa karshen shekarar 2023, yawan hatsi da rumbunan ajiya masu inganci da ake da su a kasar Sin za su dauka, ya haura tan miliyan 700, adadin da ya karu da kaso 36 bisa dari kan na makamancin lokaci na shekarar 2014. (Mai Fassara: Saminu Alhassan)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
