Tawagar Jami’an Lafiya Sinawa Ta Shirya Horo Kan Kula Da Marasa Lafiya Dake Cikin Yanayi Mai Tsanani A Sudan

Tawagar jami’an lafiya Sinawa ta shirya wani horo kan jinyar marasa lafiya dake cikin yanayi mai tsanani a wani asibiti dake babban birnin Khartoum na Sudan, a matsayin wata hanya ta musayar fasahohin kiwon lafiya tsakanin kasashe biyu.

Xing Zhijing, daraktan tawaga ta 37 ta jami’an lafiya Sinawa a Sudan, ya ce horon wanda ya gudana a asibitin kawance na Omdurman, ya kunshi lakcoci kan inganta dabarun asibitin na shiryawa kafa cibiyar kula da marasa lafiya dake cikin yanayi mai tsanani wato ICU.

• Wakilin Sin Ya Yi Kira Da A Samar wa Kasar Sudan Ta Kudu Gudummawa Don Tabbatar Da Zaman Lafiya Da Kyautata Yanayin Jin Kai

Jami’in kula da harkokin kasuwanci na ofishin jakadancin kasar Sin a Sudan, Guo Hu, ya bayyana dadadden tarihin musaya da hadin gwiwa a fannin kiwon lafiya tsakanin Sin da Sudan, yana mai bayyana hakan a matsayin kyakkyawan misali na abota mai karfi.

A nasa bangaren, Shahd Osman, shugaban sashen kula da dangantaka da kasa da kasa na ofishin kula da harkokin lafiya na kasa da kasa a ma’aikatar lafiya ta Sudan, godiya ya yi matuka ga kokarin Sin na karfafa tsarin kiwon lafiya a kasar. (Fa’iza Mustapha)