Tsohon Gwamnan Jihar Kwara Ya Bayyana A Ofishin Hukumar EFCC Da Ke Jihar

A safiyar ranar Litinin ne tsohon gwamnan jihar Kwara ya bayyana a harabar ofishin hukumar yaki da masu yi wa tattalin arzikin kasa zagon kasa ta EFCC a garin Ilorin.

Rahotanni daga gidan Talabijin na Channels na nuni da cewa, hukumar EFCC ta gayyace tsohon gwamnan ne don ya amsa wasu tambayoyi kan yadda aka yi amfani da kudade a lokacin da yake mulki.

• EFCC Ta Kama Wani Fasto Kan Zargin Aikata Zamba
• Adadin Sayayya Ta Yanar Gizo Ta Karu Yayin Hutun Bikin Bazara Na Kasar Sin

Ahmed Abdulrazaq, ya mulki jihar Kwara daga watan Mayun 2011 zuwa Mayun 2019 kafin ya mikawa Gwamna Abdulrahman Abdulrazaq.

Wannan dai ba shi ne karon farko da tsohon gwamnan ke fuskantar tuhumar EFCC ba.

A watan Mayun 2021, ya amsa tambayoyi a hedokwatar EFCC da ke Abuja kan zargin karkatar da kusan Naira biliyan 9 daga asusun gwamnatin jihar Kwara a lokacin da yake gwamna da kuma a baya yana matsayin kwamishinan kudi a gwamnatin tsohon Gwamna Bukola Saraki.