Tsohon Mataimakin Shugaban Jami’ar ABU, Farfesa Mahadi, Ya Rasu Yana Da Shekaru 77

Mataimakin Shugaban Jami’ar Gombe (VC) Kashere Farfesa Abdullahi Mahadi ya rasu.

Mahadi, wanda ya taba zama mataimakin Shugaban Jami’ar Ahmadu Bello (ABU), Zariya, Jihar Kaduna, ya rasu ne a daren Juma’a yana da shekaru 77 a duniya.

• Gwamnan Gombe Ya Yi Alhinin Rasuwar Sheikh Maigano Da Ya Rasu A Saudiyya
• Rasuwar Sarkin Funakaye, An Yi Babban Rashi – Gwamna Inuwa

Gwamnan jihar Gombe, Inuwa Yahaya, ya bayyana alhininsa dangane da rasuwar babban mataimakin shugaban jami’ar jihar Gombe.

Inuwa a cikin wata sanarwar manema labarai dauke da sa hannun mai taimaka masa kan harkokin yada labarai, Ismaila Uba Misilli, da aka raba wa manema labarai a ranar Asabar.

Gwamnan ya yi masa fatan samun rahama da gafara, ya kuma bayyana marigayin a matsayin kwararre a fannin ilimi wanda ya gudanar da ayyukansa na ilimi tare da kishin kasa da sadaukarwa.