UEFA Ta Dakatar Da Wasannin Da Aka Shirya Yi A Kasar Isra'ila

Hukumar Uefa ta dage dukkan wasannin da aka shirya yi a Isra’ila a cikin makwanni biyu masu zuwa sakamakon karuwar tashe-tashen hankula a kasar.

Sama da ‘yan Isra’ila 600 ne aka kashe a hare-hare daga Gaza tun ranar Asabar, in ji gwamnati.

Uefa ta ce wasan da Isra’ila za ta buga da Switzerland a ranar Alhamis na daga cikin wasannin da aka dage bisa la’akari da yanayin tsaro.

Hukumar kwallon kafar Turai ta ce za a shirya sabbin ranakun da za’a buga wasannin.

Wasannin da aka jinkirta

Labarai Masu Nasaba

Matatar Mai Ta Fatakwal Ba Ta Siyarwa Ba Ce – NNPC

Majalisar Dattawa Ta Yi Allah-wadai Da Zanga-zangar Ƙin Jinin ’Yan Nijeriya A Ghana

12 ga Oktoba: Isra’ila da Switzerland

12 ga Oktoba: Isra’ila da Estonia

17 ga Oktoba: Isra’ila da Jamus

Uefa za ta ci gaba da sanya ido sosai kan lamarin kuma za ta ci gaba da tuntubar dukkan kungiyoyin da abin ya shafa kafin yanke shawara kan sabbin ranaku.

Zakarun gasar firimiya ta Isra’ila Maccabi Haifa na buga gasar cin kofin Europa a bana kuma za ta ziyarci Villarreal bayan an dawo hutun wasannin gida.

Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe

Shiga zaurenmu na WhatsApp