Wace Illa GB WhatsApp Ke Da Shi?

Wace illa manhajar GB WhatsApp ke da shi? Wannan ita ce tambayar da ake ta yi min a kwanan nan, sakamakon yadda mutane suke ta sanarwa cewa, duk wanda yake amfani da GB Whatsapp ya yi gaggawar goge shi.

Mene Ne Illar GB WhatsApp?

Mutane da yawa suna amfani da GBWhatsapp ne, saboda yana da wasu tsarurruka da ‘Whatsapp’ na asali ba shi da su, kamar irin su adana (sabing) na hoto, bidiyo, ko kuma kwafin rubutu daga ‘status(es)’ na mutane kai tsaye, ko boye alamar karantawa ko karbar sako, ko don yana nuna alamar in mutum yana online, ko don tura ‘file’ mai nauyi, ko boye groups/chats, ko rubuta sunan ‘group’ da harafai sama da 35, yin status da harufai 250, a takaice. GBWhatsapp  yana da wasu ‘features’ da normal whatsapp ba shi da su.

Amma, yana da kyau mutum ya sani cewa duk wadannan tarko ne na masu kutse ko madatsa ‘hackers’. Sun tsara shi ne ta yadda zai ba ka sha’awa sosai, fiye da manhajar WhatsApp na asali (normal Whatsapp), tare da ba ka damar wasan buya da ma’abota amfani da normal Whatsapp, musamma ma mata. Ka tura sako, a karanta, amma ba za ka ga alamar an karanta ba, sannan a duba status dinka ba tare da ka ga wanda ya gani ba.

To dai maganar gaskiya, kai tsaye, GBWhatsapp, ‘mod’ ne, ma’ana ba asalin Whatsapp ba ne. Asali an kirkire shi da ‘code’ (tsari) irin an Whatsapp na gaskiya, ba tare da samun lasisi daga kamfanin ba. Ina shawartar masu amfani da GBWhatsapp, da masu sha’awar amfani da shi, da su kauracewa manhajar saboda wadannan dalilai; shi GBWhatsapp ba sahihi ba ne daga asalin kamfanin Whatsapp, ‘AledMods’ ne suka yi shi, ba su da lasisi, kuma sun karya ka’idar kirkirar da ba da lamunin amfani da sirrikan jama’a. Shi ya sa ba za ka samu manhajar a Google Playstore (apk) ko AppStore (iOS, na Apple) ba. Kai! Ka ma taba ganin wani adireshi na yanar gizo na GBWhatsapp? Amsa babu, saboda ba su da gaskiya.

Mai amfani da GBWhatsapp, ya sani cewa duk wasu bayanai da suke cikin wayarsa, wannan manhaja na iya tattarewa, babu wani sirrin cikin wayarka da ba za su iya lekawa ba, sayarwa, ko amfani da shi a duk lokacin da suka dama.

Idan aka turo ma wani sako mai dauke da ‘birus’ GBWhatsapp ba shi da wasu matakan kare ka daga cutarwarsu. Kai! Shi ma kansa ‘spyware’ ne. Duk abin da kake a GBWhatsapp, tsirara kake, shi ya sa, yawancin wadanda ake musu kutse (hacking) na Whatsapp, masu amfani da Whatsapp Mods ne, irin su GBWhatsapp, WhatsappPlus, Whatsapp Gold, Clones, FMWhatsapp, OGWhatsapp, YOWhatsapp da sauransu.

GBWhatsapp ba ya restore (dawo da bayanai) a wasu lokutan, kamar yadda na fada a sama, asali manhajar ta saba wa tsarin Google, kuma ana backup ne (yawanci) da Google account. Shi ya sa, da zarar ya yi ‘edpire’ (wani lokaci) za ka rasa duk bayananka, har ‘groups’ da kake ciki, sai ka nemi a maida ka. Ka lura, a duk lokacin da ka dauko shi daga yanar gizo, in dai wayarka tana ‘security patching’ (kula da tsaro), za ta gargadeka cewa, wannan app din zai iya cutar da kai, ko bayananka, ba ka taba lura ba ko? In ka taba lura da haka, don me za ka yarda?

Kai tsaye GBWhatsapp na mayaudara ne, in ba su cuceka yau ba, za su iya cutar da kai gobe. Kuma a kowane lokaci, Whatsapp na asali, za su iya dakatar da mai amfani da ‘mods’ daga amfani da dandalin na har abada.

Daga farkon watan nan dai zuwa yanzu, GB Whatsapp ya fara goge ‘formatting’ na wayoyin mutane. Sai ka bude wayarka, sai ka ga an goge komai dake cikinta. Idan kana amfani da shi, ka yi gaggawwar cire shi, tun kan hakan ta faru da kai.

Amfanin Hakuri A Tsakanin Magidanta (2)

Sanin muhimmancin hakuri ne naga ya dace na sake yin wani rubutun na biyu domin ba sai a tsakanin Magidanta ba ne ake bukatar hakuri, duk wanda yake a Unguwa ko Gari ya dace yayi hakuri,abin ya dogara ne ga babba da yaro, mace da namiji ba domin komai ba sai sanin kowa ne da rarrafe yaro ya kan tashi. Sai da matukar hakuri za a iya samun zaman lafiya a tsakanin al’umma.

Don haka duk Unguwa ko Gari aka samu zaman lafiya to ko shakka babu akwai hakuri tsakanin duk al’ummar da suke zama a wurin, duk wuraren da ake samun matsaloli da suke rikidewa su zama yaki a cikin Unguwa ko Gari, don haka sai an kai zuciya nesa kafin a samu hakuri har a cimma yanayi na zaman lafiya.

Hakuri a ko ina ne ake abin ayi koyi da shi ne abu na karshe wanda idan ba ayi shi ba ana iya shiga halin da na sani wadda keya ce domin a baya take,shi yasa akwai bukatar su Magidanta duk lokacin da aka samu wata rashin jituwa ko ina ne abu mafi dacewa shi ne ayi kokari, ayi hakuri,a samu ayi sasanci domin yin hakan ne zai kasance abin aikhairi a ko ina ne.Akasin haka kuma ana iya shiga rashin kwanciyar hankali wanda idan ba shi babu zaman lafiya.Shi yasa Magidanta suna da jan aiki tsakaninsu na ci gaba da hakuri da juna da kuma koyi da kowa yayi haka, matsawar babu hakuri to zaman lafiya bai ga wurin zama ba.