Xi Ya Amsa Wasikar Tsoffin Masanan Dakin Adana Kayayyakin Fasaha Na Sin

Shugaban kasar Sin kuma babban sakataren kwamitin tsakiya na jam’iyyar kwaminis ta Sin Xi Jinping ya amsa wasikar tsoffin masana na dakin adana kayayyakin fasahar zane-zane na kasar Sin a ranar 21 ga wannan wata, inda ya bayyana cewa, a yayin da aka cika shekaru 60 da bude dakin, ya mika gaisuwa da taya dukkan ma’aikatan dakin murna.

A cikin wasikar, Xi Jinping ya bayyana cewa, dakin adana kayayyakin fasahar zane-zane na kasar Sin ya shaida nasarorin da sabuwar kasar Sin ta samu a wannan fanni, kana ya yi kirkire-kirkire a fannonin ajiye kayayyaki mafi kyau, da yin bikin nune-nune, da ilimantyar da jama’a a wannan fanni, da yin mu’amala da kasashen waje da sauransu, kuma ya samu nasarori da dama.

A kwanakin baya ne, tsoffin masu fasaha na dakin adana kayayyakin fasahar zane-zane na kasar Sin guda 13 suka rubuta wata wasika ga shugaba Xi Jinping don yin bayani game da bunkasuwar dakin da kuma bayyana imaninsu kan raya sha’anin fasahar zane-zane mai inganci a sabon zamani. (Zainab)