Shugaban kasar Sin Xi Jinping, ya taya shugaban Masar Abdel-Fattah Al-Sisi, murnar sake zaben sa da aka yi a matsayin shugaban kasar Masar.
Cikin sakon taya murnar da ya aikewa Al-Sisi a Talatar nan, shugaba Xi ya ce Sin da Masar abokai ne na kusa, wadanda ke da mahanga daya, kuma sun aminta da juna, kana abokan hulda na hakika dake aiki tare, wajen ingiza ci gaban bai daya.
- Sin Na Matukar Adawa Da Sukar Da Amurka Ke Yiwa Dokar Tsaron Kasa Ta HK Da Batun Sayarwa Taiwan Makamai
- Sin Ta Zartas Da Dokar Sanya Ido Da Jagorancin Cibiyoyin Hada-hadar Biyan Kudade Da Ba Na Banki Ba
Ya ce a shekarun baya bayan nan, alakar Sin da Masar tana kara bunkasa, suna gudanar da hadin gwiwa a fannoni daban daban, wanda hakan ya haifar da kyakkyawan sakamako, yayin da abota tsakanin al’ummun su ke kara zurfafa.
Daga nan sai shugaba Xi ya ce yana dora muhimmancin gaske, ga ci gaban dangantakar Sin da Masar, kana a shirye yake ya yi aiki tare da shugaba Al-Sisi, wajen ingiza goyon bayan juna, da hadin gwiwar Sin da Masar ta fuskar raya shawarar ziri daya da hanya daya, da aiki tare wajen kare moriyar bai daya ta daukacin kasashe masu tasowa, da ci gaba da daga matsayin cikakkiyar hadin gwiwarsu bisa manyan tsare-tsare daga dukkan fannoni, ta yadda hakan zai amfani al’ummun kasashen 2. (Mai fassara: Saminu Alhassan)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
