Gwamna Bala Muhammad na Jihar Bauchi, ya yi kira ga Gwamnatin Tarayya da ta rage yawan surutu tare da daukar kwararan matakai domin magance tsananin talauci da yunwa da da ke ci gaba da addabar al’umma.
Gwamnan ya yi wannan koken ne, a lokacin bikin kaddamar da yakin neman zaben kananan hukumomi da jam’iyyar PDP a jihar, ta shirya a dandalin Dikta Rilwanu Suleiman Adamu da ke garin Bauchi.
- Ma’aikatan NNPC Ba Barayi Ba Ne – Mele Kyari
- Za Mu Raba Wa Talakawa Kyautar Kudi – Gwamnatin Tarayya
Gwamnan ya nanata kudurin gwamnatinsa na inganta rayuwar al’ummar jihar tare da yin kira ga Gwamnatin Tarayya da ta samar da mafita mai ɗorewa don magance matsalolin da al’umma ke fuskanta.
Gwamnan, ya ce ya kamata a ce Gwamnatin Tarayya ta mayar hanakali wajen ganin hanyoyi da dabarun domin magance halin da al’umma ke ciki, maimakon kokarin da gwamnatin ta ke yi na shafawa gwamnoni kashin kaji.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
