Assalamu alaikum! Barkanmu da sake kasancewa da ku a wannan fili namu na Girki Adon Mata inda yau zamu yi bayani kan yadda ake fate-faten Acca na.
Ga dai abubuwan da ake bukatar uwargida ta tanada; Acca, tumatiri, albasa, attarugu, tattasai, gyada, Allayyahu.
Mataki na farko za ki dora tukunyarki a kan murhu ki zuba tumatirinki, tattasai, albasa da attarhu ki zuba su a tukunyar, ki zuba ruwanki shima ki daka gyada ki zuba seasonings dinki ya tafasa.
Idan ya tafasa sai ki zuba Acca ki rika jujjuyawa domin kada ya dunkule a kasan tukunyarki, idan ya yi kauri kadan sai ki bar shi ya dahu ki rika motsawa lokaci-lokaci.
Daga nan ki wanke alayyahu ki yanka su matsakaita sannan ki yanka albasa shima ki zuba a fatefaten ki barshi ya dahu na tsawon min 2 sai faten na ki ya yi.
