‘Yan Bindiga Sun Sace Mutum 60, Sun Kashe 4 A Neja Da Kaduna, Sun Bukaci Kudin Fansa Miliyan 200

Kungiyar mazauna kudancin kaduna SOKAPU ta ce, ‘yan Bindiga sun sace mutane 45 a yankin.

Sai dai, Rundunar ‘yansanda ta jihar, ba ta mayar da martani kan zargin na kungiyar ba bayan da LEADERSHIP ta yi kokarin jin ta bakinta.

• Sojoji Sun Kashe ‘Yan Bindiga Tare Da Kubutar Da Mutum 10 Da Suka Sace A Kaduna

Kungiyar SOKAPU a ranar Lahadin da ta gabata ne ta yi wannan zargin, inda ta kara da cewa, ‘yan Bindigar sun bukaci a ba su kudin fansa Naira miliyan 200 kafin su saki wadanda suka tsaren.

‘yan Bindigar sun tuntubi iyalan wadanda suka sace ne, inda suka bukaci kudin fansa naira miliyan 200 akan mutane 40 dake hannun ‘yan Bindigar.

Harin da ‘yan Bindigar suka kai na kwanan a Kasuwan Magani da ke a karamar hukumar Kajuru shine wanda suka kwashe mutane da dama, sun kai harin ne a ranar 12 zuwa 13 ga watan Satumbar 2022.