‘Yan Bindiga Sun Yi Garkuwa Da ‘Ya’Ya 2 Na Dan Majalisar Dokokin Jihar Kwara

‘Yan bindiga sun sace ‘ya’ya biyu na dan majalisar dokokin jihar Kwara Hon. Lawal Solihu mai wakiltar mazabar,Ipaiye/Malete/Olooru. 

Kazalika, LEADERSHIP ta labarto cewa, an sace su ne a ranar Litinin bayan ‘yan bindigar da ba san ko su wane ne ba, sun kutsa gidan dan majalisar da misalin karfe 1:00 na daren ranar Litinin.

• Fasinjoji Sun Jikkata Yayin Da Motoci 2 Suka Yi Karo Da Juna A Legas
• Shawarar “Ziri Daya Da Hanya Daya” Ta Zama Nagge Dadi Goma

Bugu da kari, wata mahiya ta shaida wa LEADERSHIP cewa, sun kutsa gidan dan majalisar ne, dauke da bindigu kirar AK-47, inda suka yi harbi a sama kafin su yi awon gaba da yaran.

Majiyar ta ce, har zuwa yanzu dai, ba a san inda yaran suke ba, amma daya daga cikin masu garkuwar, ya tuntubi iyayen yaran, inda ya sheda masu cewa, baya tare da sauran ‘yan uwansa a cikin dajin domin yin magana akan kudin fansar yaran.

Kazalika, kakakin rundunar ‘yansandan jihar Okasanmi Ajayi, ya tabbatar da aukuwar lamarin.