Jami’an ‘yan sanda sun cafke wani mai tuka keke-napep, mai suna Awwal Abdullahi da laifin yi wa wata yarinya ‘yar shekara 16 fyade sannan ya tsere ya barta a wani dakin otel a jihar Adamawa.
Auwal, ya gudu ya bar yarinyar ne a Otel din Nasarawo, inda ya yi mata fyade cikin dare.
Awwal ya ce, “Na bar ta ne a otal din sabida ta gaya min cewa, ba za ta fita ba sai karfe 11:00 na safe.
“An sanar da ni cewa, an kore ta daga otal din kuma wasu batagari sun yi mata fyade.”
Kwamishinan ‘yan sandan jihar, Afolabi Babatola, ya nuna damuwarsa kan wannan mumunar lamarin, inda ya sha alwashin tabbatarwa da gurfanar da wanda ake zargi a kotu.
Kwamishinan wanda ya yi magana ta bakin kakakin rundunar, SP Suleiman Yahaya Nguroje, ya shawarci iyaye da su sanya ido kan duk zirga-zirgar ‘ya’yansu musamman ‘ya’ya mata domin kauce wa fada wa hannun irin wadannan batagarin.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
