‘Yansanda Sun Kama Mutum Biyu Kan Zargin Satar Mota A Bauchi

Jami’an rundunar ‘yansandan jihar Bauchi sun kama wasu mutane biyu bisa zarginsu da hannu wajen satar wata koriyar mota kirar Honda Civic-2000 a Yelwan Tudu da ke wajen birnin Bauchi.

Da yake tabbatar da faruwar lamarin ga manema labarai a wata sanarwa da ya fitar ranar Talata, kakakin rundunar ‘yansandan Bauchi, CSP Ahmed Wakil, ya ce wadanda ake zargin sun sace motar ne mai lamba ALK-627-GG inda aka ajiye ta a kasuwar Yelwan Tudu.

• Kyautar LEADERSHIP Ta Kara Zaburar Da Mu Kan Sauke Nauyin Al’ummar Jigawa Akanmu – Gwamna Namadi
• Hafsan Soji Ya Gana Da Shugabanni A Filato Kan Hare-haren Da Suka Yi Ajalin Mutane

Ya bayyana wadanda ake zargin Ibrahim Uzeru dan shekara 30 mazaunin Kashere Santuraki da ke karamar hukumar Akko a jihar Gombe da kuma John Paul dan shekara 35 mazaunin Bayan Gari a Bauchi.

CSP Wakil ya ce za a gurfanar da wadanda ake zargin bayan kammala bincike.