Rundunar ‘yansanda a jihar Jigawa ta tabbatar da mutuwar mutum 10 a wani hatsarin da ya afku a kauyen ‘Yanfari da ke karamar hukumar Taura a jihar.
Kakakin rundunar, Lawal Shisu, ya bayyana hakan a wata sanarwa da ya fitar ranar Talata a Dutse.
- Rundunar Sojin Saman Kasar Sin Na Bikin Cika Shekaru 75 Da Kafuwa
- Hezbollah Ta Harba Rokoki 165 Zuwa Arewacin Isra’ila – IDF
Shisu ya ce, wata mota kirar Toyota Hummer mai lamba: HDJ 631 YDD, dauke da fasinjoji 11 daga Kano zuwa Hadejia, ta bugi wata tirela da ke tsaye, mai lamba: RGN 180 ZC.
Ya ce direban bas din tare da fasinjoji tara sun mutu nan take inda daya ya jikkata.
Ya kara da cewa, rundunar ta kaddamar da bincike kan lamarin, inda ya ce duk wanda aka samu da laifi zai fuskanci hukuncin shari’a.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
