Yanzu-yanzu: Gwamnan Delta Oborevwori Ya Fice Daga PDP Zuwa APC

Gwamnan jihar Delta, Rt. Hon. Sheriff Oborevwori ya sauya sheka daga jam’iyyar PDP zuwa jam’iyyar APC.

An sanar da sauya shekar ne bayan wani taron sirri da aka yi a ranar Laraba a gidan gwamnati da ke Asaba ta hannun babban sakataren yada labaran gwamnan, Sir Festus Ahon.

• Sin Za Ta Harba Kumbon ‘Yan Sama-Jannati Na Shenzhou-20
• Sabbin Haraji: Yadda ‘Yan Bindiga Ke Tilasta Wa Jama’a Biyan Miliyoyin Kuɗi A Zamfara

Ahon ya ce, matakin da gwamnan ya dauka na sauya sheka zuwa jam’iyyar APC mai mulki ya biyo bayan tattaunawa sosai da masu ruwa da tsaki a harkokin siyasa, da nufin samar da ci gaba mai dorewa ga jihar Delta.

Gwamna Oborevwori, wanda ya samu nasara a zaben gwamna na 2023 a karkashin jam’iyyar PDP, ya samu tarba daga manyan jami’an APC.