Yanzu-yanzu: Mahaifiyar A.A. Zaura Ta Shaki Iskar ‘Yanci

Mahaifiyar dan takarar sanata a Kano ta tsakiya a Jam’iyyar APC, Abdulkarim Zaura ta shaki iskar ‘yanci.

Shugaban karamar hukumar Ungoggo Injiniya Abdullahi Garba Ramat ne ya tabbatar da hakan a wani rubutu da ya wallafa a shafinsa na Facebook.

• Zaben Fidda Gwani: Gwamnonin APC Sun Mika Sunan Mutum 5 Buhari Ya Zabi 1 A Ciki

Sanarwar na cewa “Alhamdulillah… Hajiya Laure mahaifiyar A.A Zaura da aka yi garkuwa da ita ta kubuta cikin koshin lafiya”.

A daren ranar Litinin ne wasu masu garkuwa da mutane suka sace Hajiya Laure mai shekaru sama da 80 a garin Zaura a karamar hukumar Ungoggo.